بيني وبين العازمي موعد وعيّا لايتم=مدري نسميها حذر والا نسميها غلا
الرايه اللي في يمين العارفه منذ القدم=اليوم كلن لجلها يشعب ذلوله في خلا

ماتدري انّي يالسميري تو درّجت القدم = وعن الوعود الفايته هذا وعدنا الاولا!!
الرايه اللي محتميها من تخاضعله امم= اشعب ذلولك في طلبها مع فلول العزّلا!!

مقبول عذرك ياوسيع المعرفه وانت ابن عم=الاوله تفداك وافطن للزمان المقبلا
هذيك ما يرفع علمها غار من عنده ختم=يوم العرب بسيوفهم دون الموارد والكلا

فوق اللحم والا تباها تنغرز وسط اللحم = في ساحة الميدان لاتطري عمومه وزملا!!
الشعر هامه مستحله وانت وش عندك همم= واليا بغيت الكايده لاتحتري منا الولا!!

ان كان عينك مثل عين اللي تجي وسط السلم=انا حزامن لبن عمي فاللقاء والمشكلا
اللي بنى ياصاحبي ماهوب مثل اللي هدم=لاترخص العمله وانا وياك فالسوق عملا

المشاركة الأصلية كتبت بواسطة أبومسلي (المشاركة 1058536) الله الله 000 صحة الالسن والقلوب