سلام الله سلام من صميم الذات نبدابه = عليكم يا لبنيخى والتحيه جيت اثنيها
سلام الله سلام سالم الاسلام امرنا به = ازفه للوجيه الحاضره بالذات احيها
بعد ذا ياوجوه الخير كل يحسب احسابه = ويحذر من شياطين البشر يحذر مماشيها
واذكر كل مسلم للمؤذن يلزم اجابه = لزوم الخمس بالمسجد بنفس الوقت تديها
وحقوق الوالدين الله ذكرها بمحكم اكتابه = عقب نهيه عن الاشراك به ايات نتليها
ولزوم ننتبه لصغيرنا ونعزز ادابه = على النهج المطهر والبدع ناقف لر اعيها
ونحذر من دعاة الزيغ واهل الفكر واربابه=ونحذر من معقدة الشوش خابت مساعيها
عسى من ينفخ لجمر الفتن لاشب يكوا به=توقد نارها فى وسط كبده لين تشويها
على شانه يريح وكل شر ينقفل بابه = وعلى شان الفتن ماعاد تاجد من صحيها
الاياعزوتي يالاابتي ياعز من لابه = عصابة راس من ضامته بقعا مع لياليها
نسل جدي وصلب الجد يفخر من تعزوابه = أقول عتيبه الهيلا الى جرت عزاويها
انا يوم امدح اجدادي واقول اصقور واذيابه = اقول ارجال نسل ارجال لامن حل طاريها
حكيمين بالاريا رايهم بالليل يسرابه = عطيبين المضارب بين بايعها وشاريها
قبيلة علم وقت السلم وعند الحرب حرابه = كما قال الخلاوي دايم تلطم معاديها
عسى ربي يعز الدين ويفضح من تهزابه = ويكفينا شرار الخلق وتشغل في بلاويها
واختم القاف بالتسليم مثل اللي بدينابه =اختمه يالبنيخي والقوافي هدو نهديها

المشاركة الأصلية كتبت بواسطة ابراهيم الجـــــذع (المشاركة 1058383) صح السانك واعتلا شانك قصيده جزله تستحق القراءه اكثر من مره

المشاركة الأصلية كتبت بواسطة فهد علي العازمي (المشاركة 1059040) كفوووووووووو صح لسانك يالاسعدي شااااااعر بمعنى الكلمة واللي أستغربه من المنتدى ليش ماحطو لك لقب شاعر وانت تستاهله وبجداره وأفضل من كثير يحملون اللقب سجل شهادتي بشاعريتك وتمكنك وجزالة شعرك

المشاركة الأصلية كتبت بواسطة شامان الروقي (المشاركة 1061243) صح لسانك يالاسعدي

المشاركة الأصلية كتبت بواسطة ابن سرحان الثبيتي (المشاركة 1061341) صح لسانك يالاسعدي " وافي وقصيد هادف تشكر عليه "