ياعلي سكينك حديده كما الموس=ذكرتني ياعلي سكين جدي
راعي المويسه ماشرا الاسم بفلوس=ألا بحد فاللوازم يسدي
في حدها تلقى طرف كل ناموس=واللي يجيب العلم عنها يودي
في عصرها المااضي تدوس الخطر دوس=وفي وقتها الحااضر تعشي تغدي
فيها الكرم من عصر الأجداد مغروس=يوم إن ولد اللاش عنها يصدي
بنصابها ياعلي فحزاام مدهوس=ويسلها لن عودت للتحدي
فيما مضى تسطى فالأرقاب والروس=وولى زمنها لوماهو بودي
واليوم تنقح روس طليان وتيوس=الضيف عنها مايروح متعدي
إما عشاه مع العشا غيبة القوس=ولاصلاة الظهر وهو متغدي
وياعلي سكينك حديده كما الموس=ذكرتني ياعلي سكين جدي

المشاركة الأصلية كتبت بواسطة محمد العتيبي (المشاركة 1058082) الله الله صح الله لسااان الشاعر / فلاح الزراقي قصيده جزله من شاعر وافي .. ونعم بذوي زراق كلهم ولاهنت ياصامل ..

المشاركة الأصلية كتبت بواسطة محمد الذيابـــي (المشاركة 1256289) ,, صح لسااااااااااااااانه,,