الليله المعنى هنا يلف ويدور=وبكره نشوفه في غلاف المجله
صحيح لا روح حبيب ومستور=راحت حليمه بين عز ومذله

ماني على بعض السواليف مجبور = لكن من ضيّع طريقه ندله.
يابن شبيب علومك العمي والعور = ماتنقبل عند النجوم المطله.

المشاركة الأصلية كتبت بواسطة شبل الغدرى (المشاركة 1057185) مازن الشيباني الله يطول بعمرك واذا ودك تكمل اكمل ماعندك مشكل

ابو شبيب يقول جد البقر ثور=وان كان قوله مزعلك رح وخله
الحر طار ولابقى غير عصفور=شوفه يجيب الضيم في جنب خله

لكن في السبعان بالذات مخبور = والعلم الاخر رجعه في سجله.
الحر لاعقب يعقب له صقور = ماعقب العصفور لله لله.

صرفت لك وصفه على يدين دكتور=وعلى الغشامه فقر 2000 عله
ان عدوت للشعيل يبرك على الزور=عليه هلت مزنتن مستهله