ماني بشفقان لبعض العزايم=الا الرفيق الي نعزة ونغلية
اجية لو اني عن الزاد صايم=حيث ان لة تقدير ماني بناسية
عسا البخت مع طول الايام قايم=اقابل الطيب علي الطيب واجزية
لان الحياة ايام ماهي بدايم =والعمر مايبقي وهدام قافية
يوم اصتفاق معالجات الشكايم=عج الرمك مثل اسود الليل غاطية
يبين فعل معصبين العمايم=ويبين فعل الي يخيب الرجا فية
ماهي علوم مروجين النمايم=الي يجيب العلم والي يودية
وانا لياشفت اشقرا لريش حايم=فعلة ينومسني وذكره وطارية
والنفس تومر بالشقا والظلايم=والعز عزوراعي العز راضية
مايرتضي بالهون غير البهايم=والاش ماقدر جنابة ولااجية
وان شفتلك خبل عن المجد نايم=خلة ينام وغبر الايام تصحية
واعداد ماذعذع لهيب السمايم= صلو علي الي شرف الله مساعية

بسم الله الرحمن الرحيم


لان الحياة ايام ماهي بدايم =والعمر مايبقي وهدام قافية

صح لسانك ابوعبيد ماقصرت على هذا الابداع