عجيـب ياقلبـي وعجبتـك دوبــك=ماشوف علم ٍجايـزاً لـك و معجبـك
ياقلـب حاسبنـي وحاسـب ذنوبـك=ماادري بخـلان الرخـا وش مرغبـك
وش ولعـك فـي نـاس ماقلدوبـك=ولاثمنـوا حقـك وقامـوا بواجـبـك
ربعـاً يذريهاالـذرى عـن هبـوبـك=خسـران لوتشكـي عليهـم مصايبـك
ان كـان ماتلمـس يدينـك جيـوبـك=في ذمتـي مامنهـم اللـي يصاحبـك
وان حصلـوا مقصودهـم ربعـوبـك=سووا لك الخـط الزلـق ليـن يقلبـك
وعندالنهايـه برقـوا وضحكـوا بـك=كم من ضحـوك ٍيستغيبـك ويشذبـك
اليـوم صدقانـك وباكرحكـوا بــك=وبعدالرجـا فيهم تكدرمشـاربـك
هراجـة المجلـس ليامالقـوا بــك=شيـاً يقولـونـه حـداهـم تنكـبـك
ومالوبسـوق المهزلـه ونزلـوا بـك=ضعاف العقول اللي تسولف على الدبك
يحكي بك اللي عاجزاً عـن دروبـك=لافـاعـل ٍفعـلـك ولاهومجـنـبـك
اعرف على جسمك تفاصيل ثوبك=واترك مذاهبهم وعزز مذاهبك

المشاركة الأصلية كتبت بواسطة شوق الصعيبة (المشاركة 1054750) يحكي بك اللي عاجزاً عن دروبك=لافاعل ٍفعلك ولاهومجنبك ماعاد عقبها كلام لاهنت يـ العالي .

المشاركة الأصلية كتبت بواسطة ابن غزاي الخظري (المشاركة 1054756) ربعاً يذريهاالذرى عن هبوبك خسران لوتشكي عليهم مصايبك اي بالله انه صدق يحكي بك اللي عاجزاً عن دروبك لافاعل ٍفعلك ولاهومجنبك الله يعوضنا بالجنه بن صنهوت شهادتي فيك مجروحه وصح السان ابو جميل دايم مبدع يالغالي