سلام مني بطاروق=من دافع الود والشوق
وحقوق من بيننا حقوق=ياليل هيا وهيا
وين انت يا حاكر القاف=اقرب وانا وانت وقاف
يا وقت مطلق وصياف=ياليل هيا وهيا

يامرحبا بك هلابك=من بعد ناخت ركابك
على كرامة غيابك=يالليل يالليل هيا
القاف حبلٍ مع ثنين=كان افرطوا راح قسمين
وان فرطوا ياخبر شين=يالليل يالليل هيا

دام البقا واخذ ردي=عليك مابه تعدي
والطيب ما هو تردي=ياليل هيا وهيا
صارت علوم ودعاوي=وضاعت كثير الهقاوي
واليوم سارح وضاوي =ياليل هيا وهيا

المشاركة الأصلية كتبت بواسطة سعود العصيمي (المشاركة 1053860) عبدالله الحربي صح لساااانك واعتلا شأنك سعد العصيمي صح لساااانك واعتلا شأنك

ياحرب مانتم بقشران=اهل ديانة وديوان
وان جات للحرب فرسان=يالليل هيا وهيا
لاتشبك السلك بالفيش=وتطير مثل الخفافيش
قلي وش اللي حصل ويش=يالليل هيا وهيا

بيني وبينك حكايا=افطن وكب اللوايا
بانت ولا به خفايا= ياليل هيا وهيا
ثلاث شاتوا ثمانين=هي صدق والا مجانين
ياعين ياليل ياعين=ياليل هيا وهيا

من نظرتي واعتقادي=اسمحلي اقول غادي
مابان غير الدوادي=يالليل هيا وهيا
مدام سولفت عنهم=ماظن يخفاك منهم
والا يجوز انت منهم= يالليل هيا وهيا