اول مصافحه
 

السلام عليكم ورحمة الله وبركاته


الحب بلوى وأكثر النـاس يـدرون
وجدي على من طب غبة بحـوره
يصبح رزين العقل بالحب مجنـون
كم واحد(ن)راحت حياته خطـوره
تصبح حياته كلهـا دون فـي دون
وأول وسيع الصدر زايـد سـروره
تصبح حياته كلهـا شـك وظنـون
لا صار خله طاغي (ن) في غروره
يا أهل المحبه وقفـو لا تروحـون
يم الطريق ألي صعيب (ن) عبوره
الحب له مبـدى ومذهـب وقانـون
مهوب حـب مكالمـات البـزوره
حب الشرف دايم له سلـوم وفنـون
مثل القمر فـي طلتـه وبظهـوره
ختامها أطلب من الله لـك العـون
يحرسك عن درب المحبه وجـوره