الهيـــــــــــــلا *** منتدى قبيلة عتيبة - ناصر بدر بن عقيل ........... غزليه

البارحه عديـت فـي راس مشـراف
رجمٍ وفي عرضه لحاليـح وكهـوف

مدهال من وِري من االحب ماعـاف
ومدهال من همه يلوف الحشا لـوف

علـى الـذي لاصـد عنـي ولاراف
يومن يجي وشهور حاديته ظـروف

ونحا وخلاني علـى جـال مهيـاف
انعاه من صِفره لياامباحت الشـوف

والِرجل يشعاها على البعد خفخـاف
لين اسنحه من واهجٍ داخل الجـوف

واقفي واجر خطاي وعيوني خـلاف
ولاباقي الا اسعى على البيت واطوف

من الهمـوم اللـي تواردنـي ارداف
وان صدرت ميـات يردنـه اولـوف

واتلى العهد فيهـن لياشفـت نـواف
اللي غلاه وحشمته من غـلا نـوف

اغليه واعنا لـه لياشـاف ماعـاف
ولاارضا عليه من الصواديف صادوف

وكافيه من صكات بقعـا والاتـلاف
ومادمت حيٍ له ماهوبشاكن الخـوف

بعدي وبجهد له وابا الفعل ينشـاف
ولاّيصب العلم عني فـي اذن نـوف

اللي صرفتني عن هوا سمر الاغداف
ومن شافها عده عن الغيد مصـروف

وان عـودت للـود ولا للاشـفـاف
هي ودٍ وشف مابـا غيـره شفـوف