يا مرحبا عداد وبل(ن) معه سيل=وعداد ماسيل دروب وغسلها
يا العازمي هات الحطب والمعاميل=والله يجازي كل ناس بعملها

المشاركة الأصلية كتبت بواسطة الشامان (المشاركة 1050148) السلام عليكم ورحمة الله وبركاته صباح الخير يا مرحبا عداد وبل(ن) معه سيل=وعداد ماسيل دروب وغسلها يا العازمي هات الحطب والمعاميل=والله يجازي كل ناس بعملها

فيك البقا يانسل ربع ن مشاكيل=اللي مع العربان محدن جهلها
العازمي يشرب من البن والهيل=ياللي حملت احمول ماتحتملها

وفق العرب دله وسبعة فناجيل =أما أضربه فالثنين ولا دبلها
حنى هل الطالات وأنتم مداهيل=والناس لا تزعل ولا ارضى زعلها

المشاركة الأصلية كتبت بواسطة العـــازمي (المشاركة 1050159) صح السانك يالشامان وتصبح على خير والسموحه يالغالي ولنا لقاء آخر بأذن الله تحياتي لك وتقديري. أخوووك .

المشاركة الأصلية كتبت بواسطة الشامان (المشاركة 1050162) الله الله اجل أستلم وفق العرب دله وسبعة فناجيل =أما أضربه فالثنين ولا دبلها حنى هل الطالات وأنتم مداهيل=والناس لا تزعل ولا ارضى زعلها

انته معزب, وحشمتي للرياجيل=اللي تقلط ضيفها في محلها
مايزعل العاقل ليا سبه اخبيل=وما تلحق الشكه سوا من حملها

الله واكبر يا زمان التهاويل=هاذي قديمه روح دور بدلها
من جامعك يالي مع الناس حلحيل=يالي على الحملات ضاري وشلها