يالله ياللي مـن ترجـاك مـا خـاب = ياغافـر الـزلات تغفـر اذنـوبـي
اعن القدر مـال المخاليـق مجنـاب = منـك واليـك الملتجـى والهروبـي
اسالـك التوفيـق يـارب الاربـاب = يالمطلـع عـلام خافـي الغيـوبـي
وأفرج لمن هو عارضه مابعد شـاب = لوطعت نفسـي والهـوى شيبوبـي
لكن أسـج الرجـل بحـدود الآداب = عقلـي دليلـي واتنقـى دروبــي
سلام والروقي عن الحفـل ماغـاب = بعد دعيت وجيـت اكمـل وجوبـي
حضرت أشارك لأجل أبارك لمثقـاب = شيخٍ قبـل ختمـه تـراه محسوبـي
من روس قومٍ لاافتلوا روس الاشناب = جنابهـم بيـن الرجـال مهيـوبـي
شيخ تربـى بيـن ابوزيـد وذيـاب = جـده وابـوه محلحيـن النشوبـي
ورثة جدود وصـار للحـق طـلاب = شمس الحقيقة ماكسفهـا الغروبـي
والبيت عزه في عمـوده والاطنـاب = وفيه الذرى مهمـا تهـب الهبوبـي
والختم ماهو بشت وعقـال وثيـاب = ولاهو ركوب اخر مديـل الجيوبـي
حملٍ يهد الحيل مـن زود الاتعـاب = احدٍ يشيـل الحمـل واحـدٍ يحوبـي
الله يعينـك تعتلـي كـل مـرقـاب = برضـاك ولا فاللـزوم مغصـوبـي
وانته كفو وان جيت اعدد فالاسبـاب = افعـول يمنـاك الطليقـه تنـوبـي
ووجهك وجاهك قدمها يفتـح البـاب = للخير ولا الشـر عنـك محجوبـي
وبعد النظر ميزة عريبين الانسـاب = والا الجهـل راس البـلا والعيوبـي
ومن حشمتك ياللي للامجـاد كسـاب = انتـه وربعـك طيبيـن السلـوبـي
جوك المشايخ والقرايب والاصحـاب = من شرقٍ وغرب و شمال وجنوبـي
الله عطـاك جنـاح حـرٍ ومخـلاب = و جنبٍ تداحم بـه كبـار الجنوبـي
عتيبه الهيـلا مطوعـة الاصعـاب = حتى لوان الارض تشتـب شبوبـي
يوم انها برمـاح وسهـوم وحـراب = وسيفٍ من دمي العـداة مخضوبـي
مواقـف تشـرّف وتاريـخ جـذاب = يوم ان احد غـلاب واحـد مغلوبـي
واليوم عم الخيـر والامـن جلبـاب = والبـرق لاح فمرزمـات النصوبـي
ماكنه الا السيـف قطـاع الارقـاب = اللي عن دروب الخطـا مـا تتوبـي
في ظل زيزومٍ على شعبـه حجـاب = عن الفتـن والمهزلـه و الكروبـي
اله المحبه والـولاء بعـد الاعجـاب = مليكنا اللي عـاش وسـط القلوبـي
وحنا جنود الدار ونضـد الارهـاب = وكـل القبايـل مثلنـا والشعـوبـي
ونجـدد البيعـه شبـاب ٍ وشيـاب = تحت الطلب في السلم والا الحروبـي

لــــكــــن أســــــــج الــــرجـــــل بــــحـــــدود الآداب = عــــقـــــلـــــي دلـــــيـــــلـــــي واتـــــنـــــقـــــى دروبـــــــــــــــي

المشاركة الأصلية كتبت بواسطة الدجيماء (المشاركة 1050234) لــــكــــن أســــــــج الــــرجـــــل بــــحـــــدود الآداب = عــــقـــــلـــــي دلـــــيـــــلـــــي واتـــــنـــــقـــــى دروبـــــــــــــــي ,, الله أكبر ,, ماشاء الله تباركـ الرحمن ,, جزلة ومن راس جزل ,, مشكور يالهديبي ,, بدون مجاملة والله ان ذوقك راقي جدًّا ,, لذلك لاتحرمنا غيرها لاعدمنااك ,, إحترااامي ,,