من غرس له غرس فالصبخاء يبا يرجي حصاده = مثل من يرجي الثمر من شجرتك يالحنضليله
ومن يدور للشحم في قدر طباخ الجراده = مثل من يرجي العطاء والمد من يمنن بخيله
حاسبين الوقت وش حره ونحسب وش براده = مثل مانحسب عدال القت نحسب زود ميله
وخير ما فالوقت تهليله وتكبيرة عباده =وغيرها ملعون لو يكثر ولو فدنى قليله
ولاحدن يشب نارن ماقدحها من زناده =واحدن ما شب ناره من زناده عزتيله
لاحياه بلا طموح ولا طموح بليا اراده= والطموح مع الاراده يصنعن المستحيله
ولاندور للدفاء فالبرد من نار العراده = فالزمان اللي كساء بيضه سواد اطراف ليله
الزمان اللي ضحك في وجه مقطوع القلاده =واستدار إعن السنع واللي ضحكله شد حيله
ماجرح صوم العباد الا انت يا وجه القراده =والقراده ما وراها الا الرديه والفشيله
لاتحسب انك تبا تاصل مناصيب السياده = انت عنصر لايزيد ولا ينقص فالفصيله
ياقبيح الوجه ماتخجل ترى علمك نقاده = واحدن مثلك ترانا مانبا بنه وهيله

لاحـيــاه بــــلا طــمــوح ولا طــمــوح بـلـيــا اراده = والـطـمــوح مــــع الاراده يـصـنـعـن المسـتـحـيـلـه

ولاحدن يشـب نـارن ماقدحهـا مـن زنـاده=واحدن ما شـب نـاره مـن زنـاده عزتيلـه