يالله تـغــفــر لـــــي ولا تــبــلانــي = تجعلنـي أبيـض قلـب صافـي نيـه
وتعيـنـي فــي المـاقـف الانـسـانـي = وتصلـح لـنـا فــي الـمـال والـذريـه
ستـرك وعـفـوك خيـر مما عـطانـي = امـعـزبي سلطـان مـن الـجاهـيـه
أنـت اكفنـي مـن عثـرة الصدقانـي = عــثــرة ردي تــوجـع الـنـفـسـيــه
وازهــل عـلـي مواجـهـه عـدوانـي = روس الـعــدى كــرامــة الجـنـبـيـه
وأنا لسانـي فـالـزوم حصـانـي = خـيـره وشـــره كـــل أبـوهــا لـيــه
اسـخــره فـــي خـدمــة الأوطـانــي = وفـــي مـجــال الــدعــوه الـديـنـيـه
ومـن دون حكـام البلـد لــه شـانـي = ومــن دون ربـعـي وقفـتـه مثـنـيـه
ومـــرات يـاخـذنـي عـلــى خــلانــي = الـحــب وزن الـشـعــر والقـافـيـيـه
عـنــدي يـســاوي قـلــة الـيـابـانـي = ومــا عــده العـسـاف فــي المالـيـه
يـاكــم ويـاكــم شـايـبـي وصـانــي = كــم مــرت(ن) يظهـرلـي المخفـيـه
قـــال الـعــرب كـلامـهــا مـجـانــي = وأفـعـالـهــا بـالـفـلــس والـربــيــه
عـز الله أنـــه شـايــب(ن) ربــانــي = ياجعـلـنـي فـــدوة تـــراب احــذيــه
ســلام يـاتـاج(ن) عـلـى التيجـانـي = عـلــى جـبــاه(ن) طـأهــره واتـقـيـه
عمـي وعـم(ن) مـن علـى عمـانـي = وأبـوي لـو الأسمـا مـهـي مسمـيـه
مـعـزبــي ومــعـــزب الـشـيـخـانـي = و العـهــد عـهـده والـولأء وألـيـه
يـأ سيـدي السـلطاني لأ تلحاني = واسمـع سوالـف روحـي المشقـيـه
خـوتك خـوه يـأ أخـطل ألـذرعـأني = لـكـن لـحـقـني مـنـهـا مـحـقـيـه
كـبـرت جـاهـي واكـثـرو ضيفـانـي = وضـالـوا عـلــي الـربــع والعانـيـيـه
وخـسـارتــي تـدبــلــت واقــذانـــي = وفـقـري وقـل الحـيـل فـــي يـديــه
قـالـوا عـطــاه الـــدر والمـرجـانـي = وقالـوا بنا له قصـر فـالشرقـيـه
وقالـوا رصيـدي يبـري الوجعـانـي = وأنــا عـلـى سـيــارت(ن) كـوريــه
هــي والشـبـح وكيلـهـا الوعـلانـي = سبحان من فرق أخ(ن) عن خييـه
قــل للمحيـسـن ينـجـز القحـطـانـي = يصـرف مـايبني عــشـة الـزوجـيـه
يعطيـنـي الي قـلـت وامــا أعطـانـي = أظـهـرت دمـعـة عـيـنـي المخـفـيـه
عصــاة مـوسى وخـاتم سليمانـي = ما حركـت في أبـن المحيسن شيـه
لا جـيـت أبعـايـد عـلـى شيبـانـي = حنـيـت نفـسـي مـــن خـــلا كـفـيـه
فـقـيــر ويـعـايــد عــلــى فـقـرانــي = أمحـق فـقـر وامـحـق بـعـد عيـديـه
يامير مشيـن موتـة الوحـدانـي = وان مــــات لا هــــذي ولا هــذيــه
من حر قيض الأرض في الصماني = يمشـي الجمـل بالطاقـه الشمسـيـه