عمرو عامر=
ياسلامي سلام عد طير الحمام = من هجوس بلاني بالسهر والهموم
كيف حالك عسى ذا اليوم حالك تمام = بنشدك ياصحيبي وانت رد العلوم
عبدالله البدراني=
ياهلا مرحبا بالشاعر ابن الهمام = عقب لاحت بروقه بين ذيك الغيوم
ماش علم موكد مثل روس النعام = مير عجزت دفاتركم تشيل الرقوم
عمرو عامر=
كم بشعري بليتك ياحفيد المدام = طاح حضك ولاظني بيقوى يقوم
انت نيشان شعرك صوبته السهام = من يدين العتيبي ماتخيب السهوم
عبدالله البدراني=
الله اكبر عليكم يارجال الخصام = درهمت بي ذلول العز وانت مهزوم
وين سهم العتيبي يوم راح السنام = ابركي ياذلول الدلبحي بالحزوم
عمرو عامر=
درهمت بك ذلولك يارفيع المقام = مير عجزت تشيلك فوق ذيك الرجوم
قهر صدام اخو هدله على العم سام = مثل قهرك علي يزيد في كل يوم
عبدالله البدراني=
الذلول معسوفه وانت طش الخطام = واللحاوي عسفها للرجال القروم
القهر فالمهونه والرجل مايضام = اثر بعض الفداويه تروس الرخوم
عمرو عامر=
لاتناظر عيونك يم دار السلام = حاكم وتنحكم في دارك انت محروم
ياقليل الفعايل ياكثير الكلام = لاتحلم لغيرك ماتفيد الحلوم
عبدالله البدراني=
الفشق والذخيره في جيوب الحزام = والديار محكومه ياضعيف العزوم
مالنا فعل في حلة بعيد المرام = والخلافة تذيرها كبار الختوم
عمرو عامر=
لاتهاجر لجده وجهتك يم شام = يالغراب المبرقع مالك الا تحوم
لاتلف القضيه من يلومك يلام = ردتك عن دروبك ريح حر السموم
عبدالله البدراني=
الفهامة تعرضكم لبعض الملام = لاتغث العرب وانته تحب الخشوم
مانحجب الحقيقه بالعبي واللثام = والبيارق ترفرف فوق روس النجوم
عمرو عامر=
يالفهيم المحنك ياحكيم الانام = ياخبير العوايد يا عريف السلوم
ذقت مر البدايه والحلى فالختام = ياقصيدي على ابن عقاب خلك رحوم
عبدالله البدراني=
مانقيس المشاكل بالتر والجرام = والله انك خوي منحزم ومحزوم

المشاركة الأصلية كتبت بواسطة ابو فايح (المشاركة 1046915) محاوره بدايتها جميله نوعا ما ووتكلم عن شاعرية أطرافها ثم ابتدت المحاوره في معنى من هذا الشطر (وين سهم العتيبي يوم راح السنـام) ولكن لم أفهم نقض وفتل الشاعرين منها (بيت قهر صدام ) واننا فالهوى سوى ولكن موقف عمرو عامر بعدها تغير وكذلك موقف البدراني هذا ما اتضح لي وربما أكون على خطأ