الا يامرحبا ترحيبةٍ من خاطرٍ مسرور = تراحيب المود لمن يود بساعة الشوفه
الا يامرحبا والف التحايا والقلوب قصور = مساكن للرجال اللي لهم وقفات معروفه
اهلي واعتبرني ضيفكم وانتم هلٍ للدور = وهذي قاعدة ترحيب راع الدار بضيوفه
هلا وانتم اهل دارٍ وصلتوها بدون قصور = هلا والف التحايا قلتها ماهيب محفوفه
هلا ياآل الفهد ومرحبا وحضوركم ماجور = لكم مني تحيه عاطره بالشعر وحروفه
بنيخي والبنيخي للموده باسطين جسور = بني عمي حزامي مسندي بالوقت وضروفه
اهل شيمه واهل نخوه وبالماقف لهم دستور= مزبنة الدخيل اللي زبنهم مرعبه خوفه
يذكر مجدهم واهل الفعايل فعلهم مذكور = الى قلت آل فهيد يقال اهل وقفات معروفه
نسل من طوعوا عوص النضا واركوا عليها الكور = شرايد خصمهم شبت لهايب نار في جوفه
زيارة مثلكم عز 0 ومعزه 0 والعلم منشور = ونطمع في زيارتٍ تجي تكرار مخلوفه
عسى من عقبوكم في جنان الخلد بين الحور = على الانهار وانواع الفواكه دوب مقطوفه
تراني ارسم الواقع واترجم للرجال شعور = اعرف سلوم ربعي للمكارم دوم مشغوفه
توارثنا المكارم من عصور اجدادنا مأثور = ومن يارث فعول الخير اعده تم معروفه
عسى من عد في جمع النشاما واستعد شهور = يجدها بالصحايف يوم كل بعث لوقوفه
انا قلت القصيده مجتهد والمجتهد معذور = وحبيت انتقها واضحه ماهيب معسوفه
اقدمها هديه للنشاما وايسر الميسور = واجنبها عن النقاد خشية ناس ملقوفه
وصلاة الله وتسليمه عدد مارفرفن طيور = على خير البشر وافضل بشر بوصاف ماصوفه

المشاركة الأصلية كتبت بواسطة ولدعساف (المشاركة 1046317) يعطيك العافيه ...

المشاركة الأصلية كتبت بواسطة فهد علي العازمي (المشاركة 1046325) صح لساااااانك ويستااااهلون كل طيباهل شيمه واهل نخوه وبالماقـف لهـم دستـور مزبنـة الدخيـل اللـي زبنهـم مرعبـه خوفـه يذكر مجدهـم واهـل الفعايـل فعلهـم مذكـور الى قلت آل فهيد يقـال اهـل وقفـات معروفـه نسل من طوعوا عوص النضا واركوا عليها الكور شرايد خصمهم شبت لهايـب نـار فـي جوفـه