يالله بسيل باول الوسم يجتث =
كل الهشيم الديدمان الجثاثي =
من مدلهم من مخيله تنكث =
يسكن هواء مزنه وينزل هثاثي =
يفرح به العساس ويعده البث =
يجري نهر حتى فالأرض الدماثي =
متراحفيره مرويا كل عثعث =
سبوعين تكمل فيه ذيك الثلاثي =
نبته بعد سالت مجاريه مالث =
من فضل رب للمخاليق غاثي =
كل بعد شوفته على شوفته حث =
المشي مع روضة علاج الوعاثي =
تبعد نواويره عمس كل منغث =
فالعشب ما يلقى مكان الاثاثي =
ترتع به الخلفه ضحى ما بعد بث =
اليا درج دبدوبها ثقل واثي =
هذا هواء نفسي ولو قيل لي رث =
انا بدوي وأفخر بماضين تراثي =
عن عالم يردم سمينه مع الغث =
وهو جاس وقتابين الاضلاع جاثي =
يازين سمرا ولعوبه بعد جث =

المشاركة الأصلية كتبت بواسطة ذيبان القائل طلق بن دغيليب بن هليل الذيابي (خالي ) ونشرت في جريدة الجزيره