قامت تقول القصيد وتنظم الحانه = يا زين بيتن قريته من قصيدتها
هي قمة الشوق والابداع عنوانه = والا التحدي على العادات عادتها
تكتب قصيدن كما الظلعان قيفانه = كل الرياجيل تعجز عن كتابتها
كن القصيده تهز القلب بأركانه = كن القصيده تعبر وش حكايتها
لا قالت بيوتها للشعر ميزانه = تضرب على اوتار من يقرا جميلتها
وفي وجه خلي اشوف الطيف والوانه = واحس شهر الربيع ان شفت ضحكتها
كنه ليا ناظر الازهار باعيانه = يقول انا زهرة الدنيا ووردتها
كن ابتسامة حبيبي طلع رمانه = ما ودي الا اطالع في ابتسامتها
وليا مشت صاحت الدنيا يا سلطانه = حتى السلاطين تاكلهم بمشيتها
ياليتني فوق رمشه تحت حجانه = او دمعةٍ طايحه من فوق وجنتها
واكون درعه عن الحساد في اقرانه = واعيش كل الحياه ارجي محبتها
ابيع عمري على شانه ومن شانه = ابيع كل القرايب لاجل راحتها
هذي صفاته عسى من لام ذيبانه = يبلاه ربي بشوفن مثل شوفتها

المشاركة الأصلية كتبت بواسطة نياف العتيبي ذيبان صح لسااااااااانك والله انك جززززززززل والقصيدة مثلك جزززززززله والله ما نلومك والله يعينك على سلطانه مار انت ذيبان على اسمك ماعليك خوف لاهنت اخوي ومره اخرى صح لساااااااانك الناااااااااااااايف

المشاركة الأصلية كتبت بواسطة نادر بن طريخم الاخ ذيبان الف شكر لك على هذه القصيده الرائعه والتي تعتبر تجديد وابداع وتميز وتقبل تحياتي نادر المرشدي