ياسلام سلام الرايه المنشوره = يبتدي مني ويرجع ياعتيبه ليه
عمدة الشعار عالم في زمان الثوره= البلا من يقنع اهل السلطه الرسميه

مرحبا باهل الــوفا والوقفة المخبوره=رحب تبقى وجهته في خاطري سريه
من سنام شعيل وزعة راعي الباكوره=ما غدى له كود حاجه تعتبر رمزيه

البقا فاصحابنا اهل الوقفه المشهوره= والامور الظاهره تجزى بحسب النيه
والنعم به مار ماادري لو جرحت شعوره=كيف يرضى في ضياع حقوقه الشرعيه ؟

النفوس الواثقة باذن الولي منصــــــوره=تقبل الدولار وتعيي عن الربيه
مير بعض القوم من قل الدعم مكسوره=يعتريها الشك لو ما حصلت جمعيه

البشر ياصاحبي منهية ٍ ماموره = ماعلينا من الخبر فالصفحه الشعبيه
يوم( سامي) دون (ماجد )لقبوه اسطوره =مايدل الا على كون الذمم ملويه

كل فارس ما يغره صوت والا صوره=لو تزيد الوانها مـوجاتها الصوتيه
تظهره يمنـــاه ويقدم على طابوره=بالسهم والسيف والمشعاب والشبريه

بحر جده من بعيد تزينه نافوره =مار في قربه تجيك العله الصدريه
الهدم يارعد طب الديره المعموره= مار ياخوفي يصل للبنيه التحتيه