انا من فضل ربي ترى ماعلي نقصان = رفيقي له حقوقه معي دون نقصاني
وانا دون نفسي كانها شبت النيران = اعرك الخشوم وبالشعر عندي الساني
والى ضاقت الديره تراي اكفخ الجنحان = يموت الخصيم وتنقهر كل عدواني
انا ما اتبع المقفي واعرفه يجي عطشان = يعود كذوب وكل كذبه لنا باني
اهين الريال بعز نفسي ولاتنهان = وذا نهج ابوي اللي على الطيب رباني
وزنت الرجال بنظرة كلها ميزان = لقيت الرجال اطباع واشكال والواني
بعضهم الى شاف الصحن كن فيه اجنان = نعوق على جاله كما نعق غرباني
الى من تعزوى قلت هذا هو البطران = تطيش اليدين وكل ما قابله فاني
وهوراعي الطوله وهو مكسب الكسبان = والى جد وقت الجد يطلع كذيباني
والى قست محصوله لقيت انه الطفران = عن المرجله يقصر وللبخل قوماني
وفيهم رجال عز للجار والضيفان = رجال السجايا هم ذريبين الايماني
لهم باللوازم موقفٍ يبري الوجعان = اهل وقفةً تذكر على مر الازماني
الايام تظهر لك كثير من البرهان = والاحداث منبع خير في بعض الاحياني

المشاركة الأصلية كتبت بواسطة ابن _عاصي (المشاركة 1044788) وانا دون نفسي كانها شبـت النيـران اعرك الخشوم وبالشعر عندي السانـي كفو كفو صح لسااااانك