سلامي سلام الله على اهل المواجيب = على عتيبه الهيلا رجال المهابه
ترنا نجازي راعي الطيب بطيب = وردي العرب والله ما حسب حسابه

هلا ياسعود ومرحبا الفين ترحيب=عتيبي وحربي وكلنا من شبابه
وحنا نظرنا فوق عال المراقيب=وردي العرب ما يسترنه ثيابه

يدوم البقى بك يا عطيب المضاريب = وصاحبك في الميدان كل(ن) يهابه
ترى الحر ما يلطم بليا مخاليب = وسيفن بليا فعل وش ينبغابه

ترى مالحقنا فيك شكه ولا ريب=وياذيب غيرك فارض ربي ذيابه
وياسعود انا شايب ملا راسي الشيب=وسيفي قوي اوقوته من نصابه

انا ما الحق الاصحاب بعض العاذريب = وخلك على نهج النبي واصحابه
انا خابرك شايب وفي الراس تخريب = وقبرك ترى مركوز والله نصابه