يابن زريبه طول الله لياليك= يالشهم يالنادر طويل الذراعي
الطيب ورث ورثوه لك اهاليك= ورث مورث من شجاع لشجاعي
ومن اسمك الاول ليا تال اساميك=أسم رفيع ويستزيد ارتفاعي
تصحا القلوب ليا توحت لطاريك= وتطري عليها المسبعه والسباعي
قرم تجلت في عتيبه مواريك= بالجود والفزعه وحسن المساعي
ياقل ياخو نوره اللي يضاهيك=وياقل من ذكره سواتك يشاعي
مافيك عاثور عن الطيب يثنيك= ولال الضعافه في حياتك دواعي
بين العرب دايم بعاد هقاويك= على النقا منته براع الخداعي
ومن شبتك ربعك تشوف السعد فيك= ماراح فيك الكد هدر وضياعي
وختامها يامير لبيك لبيك= لحتجتني تامر علي وتطاعي