يامحلا ياسعود قطـع المسافـات=والبعد عـن دارٍ كثيـرٍ حسدهـا
آخذ لي امن البعد فلـه وسجـات=وانسي الخاطـر همـومٍ سردهـا
اقعد واجر الصوت واون ونـات=لين السحب تمطر عليٌـه بردهـا
بروح دارٍ مابها ارسال واصوات=وافتك من نـاسٍ وليـي قردهـا
مالي ومال امجمعيـن الحكايـات=هذي يصدرها والاخرى وردهـا
ناسٍ ضعيفة يتبعـون الملـذات=امضايقين اهل الرغد في رغدهـا
بين العرب شبو حروب وخلافات=ولاطفيت النيران هفـو رمدهـا
مايرجحون الكيل وقت الحسابات=وان عدٌو العربان ينقص عددهـا
ويالله عفوك من خطايا وسيـات=ورضاك والجنة..وماشي بعدهـا