العلم يالحافي وصلك وتعداك=ماينوجد مثلك بعير(ن)يشيله
صاحبك يالحافي علومه تنصاك=ان كان ماتفزع تراها فشيله
تقفلت منا ومنا ومناك=ومافيه غيرك يازبون الجميله
بنخاك ثم بنخاك إي والله انخاك=عساك والله ماتذوق المليله
ياشوق من ينقض جديله ويفداك=يافزعت المضهود مافيك حيله
حدتني الدنيا وجيتك على ماك=توه جديد وماتوزع موديله
سواقه العاقل سريع التحراك=ومعه الرساله جاهزه في شليله
تنبيك بعلومي وانا جاي ابنخاك=لانك زمام العلم منته بذيله
لوصلك المرسول قلت الخبر جاك=ومثلك يابو سلمان ينجي دخيله
تفزع بجاهك والجماعه تحراك=ترد علماً واصل لك دليله
مافيه واحد يالسنافي تحداك=الا الضروف اللي تجينا هليله
مسند(ن)علمي على الذيب شرواك =ولزوم يقضيها الحصان بصهيله
والخاتمه مني سلام(ن)لمنجاك=على الرجال اللي تحب الطويله