| mohmmedot |
22-May-2010 04:52 PM |
مدرسة الحياة
الحياة علوم وافعول وكفاح=ومدرسه للناس جيلٍ بعد جيل
وأشهد إنه ما بلغ حد النجاح=كود من يهوى ركوب المستحيل
الرجال اللي مثل نور الصباح=كل ما تظهر على العتمه تزيل
نورهم وهاج وأرياهم سلاح=والجهل من باسهم شد الرحيل
أيقن إن الدار ما عادت مراح=وفالجزيره خيلهم تصهل صهيل
عنك ما به جد خالطه المزاح=ولا خبرنا المزح بحدود الصقيل
يا وطنا "لن" حدودك تستباح=وأنته أطهر دار ما لك من مثيل
ما تزعزعك الزوابع والرياح=وفعل شعبك في مطاليبك يهيل
من غلاك الناس بترابك شحاح=بشبر واحد ما سمحنا لمن يعيل
نام وإلبس في ذرى القاده وشاح=الأمان .. بظل مشكور الجميل
"أبومتعب" ساهرٍ لك ما استراح=لين تغفو كل عين بطيب ليل
و"أبوخالد" فالغداه وفالرواح=جيشه المنصور بحدودك نزيل
مستعدٍ بالعتداد ومستعدٍ بالسلاح=للصديق اخوان وللمجرم فتيل
والأمن موكول لطيور الفلاح=هم عيون الأمن والضل الضليل
(نايف) ونايف حزامه من شباح=ثابت الميقاف واسلوبه ثقيل
"النائب الثاني" ووقفـاته ملاح=ما غفت له عين ليل ولا مقيل
حازمٍ بالحزم والطيبه سماح=من كفوفه خير يقطر سلسبيل
جامع الشدات باللين المباح=وإله نظراتٍ تعدت عدي خيل
ووجه (نائبه) المبجل برق لاح=خير لأهل الخير والا الغير ويل
(أحمد) المحمود فعله تقل فاح=عود جاوي مختلط مع ريح هيل
إله كفٍ لا بطش سمٍ ذحاح=وإله كفٍ لا عطت تغن الذليل
و(المساعد) مرتكٍ لأكبر نجاح=ما رضى من دون ذلك بالقليل
طول ما يطلع على الدنيا الصباح= ما نسينا موقفه والدم.. سيل
يوم ضايع راي خطط ثم صاح=والمكر ما حاك يا كود بهبيل
هكذا ما كان وارد فالصحاح=والحقايق بينت والعلم قيل
والقناع اللي عن الكذاب طاح=وإنكشف للناس والله الوكيل
نحمد الله أفشل الزمره وأزاح=من تقدى من الجهل في غزو فيل
والبلد في خير لو كثر النباح= إن هدر والا قعد يرغي شعيل
بالحضاره نرتقي والجهل باح=وبالتقدم نصنع المجد الاصيل
ويا هجوسي لا انفتح قدمك براح=من بنات الفكر هاتي ما يشيل
يستحق المدح (ينبوع القراح)=طيب المجنى زعـيم المستحيل
من عمامه حاز تقدير النجاح=وفايزٍ بالشرق الأوسط بالدليل
وكل نل نثل بلاده بأي ساح=يحصد الاعجاب والفعل الجميل
ذاك (ابو منصور) مصفوف الجناح=طير حرٍ يعتل الوكر الطويل
فـ..الوزارة قال حيا للفلاح=والتقدم ما ارتضي .. دونه بديل
يطوي الصفحه ويفتح فالصفاح=ويختصر بالميل من مليون ميل
همه التطوير وأفعاله صلاح=بقو باس وقدح راس وحط شيل
وتقنية واعجاز واحلام وكفاح=وطرح رايٍ فذ في مقصد نبيل
طور انتاج الموظف واستراح=من ورق وأقلام وجهودٍ تهيل
لين خلا كل شغله ظل راح=بالاصابع ينتهي الشغل الثقيل
وكل خدمه في مجالاته تتاح=بالسهوله للمراجع.. والعميل
وكل فكرٍ حر يطلق له سراح=يخلق الابداع فالجو العليل
وزاد فوقه بالمجله واقتراح=أن يعم النفع جيلٍ بعد جيل
احتاج إلى رأي كل قارئ لغرض التقويم |
