يا حاكم الحكم لله ثم لملوك وسلاطين =تغزي وتغزى وما يحتاج من كل النواحي
والا انت راعي غنم بين العرب مدري بعارين=ان قام حظك موده وان رقد حظك متاحي

اسمي موثق وينجيني بوقت العسر واللين=وط العمامه وطب المعركه واخذ الوشاحي
لو كان منته بذيب ايحط فيك الذيب نابين=لاتعكس الدرب ثم نتهمك يالوجه السماحي

الاسم يصبح معيبه كان ما جاله براهـين=الله يرحم حضن بعد المعنا والرياحي
يا دافن السم ما غر النمل غير الجناحين=لا طار بين الطيور اللي تحوم ولا استراحي

ياعين زرقا اليمامه في المخيلة وش تشوفين =البرق يبرق وكل شاف ضوحه يوم لاحي
الكتف فوقه نجومه والصدر فوقه نياشين =جت كلها عقب ما شلتك على روس الرماحي

الروح ما تنتخاطب غير في عرف المجانين=والضلع ما اعلن شديده من سبب قرن الوضاحي
كل المفاتيح مع قوم الوفا ياهل الكوالين=تعينوا كل ساعة للهجاد وللصباحي

وجه الشبه مايباله قول مفتي بين الاثنين =وان طعت شوري تصّر العلم في شنطة مناحي
تبغى تقاضا وزدت الدين الاول يارعد دين=عزي وعزي لحال الطير مكسور الجناحي