الهيـــــــــــــلا *** منتدى قبيلة عتيبة
صفحة 1 من 2 1 2
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   الصوتيات والمرئيات (http://www.otaibah.net/m/forumdisplay.php?f=88)
-   -   محمد غازي النخيش و صقر سليم - حفل زواج تركي الفليت في الكويت (http://www.otaibah.net/m/showthread.php?t=109623)

طارق النفيعي 19-May-2010 09:08 PM
محمد غازي النخيش و صقر سليم - حفل زواج تركي الفليت في الكويت
 
بسم الله الرحمن الرحيم

السلام عليكم ورحمة الله وبركاته

مساءكم شعر وطيبه وأحساس

أقدم لكم محاورة الشاعر : محمد غازي النخيش والشاعر صقر سليم

في دولة الكويت الشقيقة في حفل زواج الشاعر : تركي الفليت

مساء الأحد الماضي

للأستماع والمشاهدة :

http://www.youtube.com/watch?v=6vzTqqSprvw

المحاورة كتابية :

محمد النخيش :

هلا يامرحبا ترحيبة أهل الجودبأهل الجود=نيابه عن رجالن فالمواقف نارها حيه
عسى الله يكتب التوفيق ياتركي عليك ابزود=مدامك من رجالن فالملاقا تحمي الهيه

صقر سليم :

عساكم للبقا يالعزوه اللي فعلكم مشهود=مواقفكم تشرف فالكويت وفالسعوديه
توكلنا على الله وانتبه للنار والبارود=تراك اليوم قدم سليم مانته فالبجاديه

محمد النخيش :

زمان العام ياصقر البقيلي وقف النمرود=وترى ماغشنا فالدرب ياكود الحراميه
انا في ماقفي ودروبنا دايم سهود امهود=ترى صاحبك واقف لك على كور العمانيه

صقر سليم :

لاتحبط معنوياتك وخلك باذل المجهود=ترا ماغشكم غير الظروف الاقتصاديه
عسى ربي يكافيك المصايب والليال السود=ترا نص العرب ماعندهم رحمه وماويه

محمد النخيش :

الا ليتك سمعت سعود وش قالو لخوك سعود=تراها غلطة ياصاحبي ماهي بعاديه
تعين للخيال اللي مقاديمه بروق ارعود=ليا منه سكب يسق الديار اللي سناويه

صقر سليم :

حمول شعيل كيف انشدها في غارب المفرود=وهاذي كلها عند العرب حاجه طبيعيه
ليا صار العرب مايصبرون وفكرهم محدود=حرام اتدورون لروسهم غتره وطاقيه

محمد النخيش :

تقوله ياصقر من عقب ماروحبها محمود=علامك ماتفرق بين هاذيه وهاذيه
ترا وسمي تشوفه يالبقيلي في جنوب الذود=وليا منا نشدنا قلت ابد ماشفت لي شيه

صقر سليم :

ليا منا نظرنا للقضيه ماوراها فود=وحنا وش نبا في حاجة ماهي شرعيه
على المرحوم صلينا الصلاه اللي بدون اسجود=لكنك لاتصيح ودمعتك ماهي ضروريه

محمد النخيش :

علامك ترسل اربوعك على وضح النقا المجرود=اثرك اللي بصدره من مواقفنا حساسيه


ولـ تحميل المحاورة للجوال :

http://arabsh.com/h1uta6k7z2xz.html

ســـهم البجاديه 20-May-2010 12:18 AM
مبدع ماااشاء لله عليك ..

وصح لساانك ياابن غاااااااازي..

صح لسان الشاعر الكبير صقر سليم

ومشكووور طاارق عـ التغطيه ..

وتقبلووووووووو طلتي ..

ܓܨ عبدالله البرقاويܓܨ 20-May-2010 04:19 AM
مشكور ياطارق على التغطيه
شعراء رائعين وجزلين وابدعو في المحاوره
الف شكر على التصوير ياابو هلال

رايد الهديبي 20-May-2010 04:23 AM
الله عليك يا ابو غازي والله انه كفوووووووو

ابيات من ذهب وصح لسانك ولسان صقر

ابدعتو بصراحه محاوره استمتعت فيه

طارق الف شكر علي النقل

مودتي

ابن المحايا 21-May-2010 09:27 PM





توكلنا على الله وانتبه للنار والبـارود *** تراك اليوم قدم سليم مانته فالبجاديـه



لاتــــــــعــــلـــيـــق....!!

:: محمد النفيعي :: 22-May-2010 03:05 AM
توكلنا على الله وانتبه للنار والبـارود *** تراك اليوم قدم سليم مانته فالبجاديـه

انا في ماقفي ودروبنا دايم سهود امهود *** ترى صاحبك واقف لك على كور العمانيه




فتل ونقض ممتاز



محاوره رائعه جدا لاهنت يابو هلال

ابو خالد النفيعي 22-May-2010 01:46 PM
تراك اليوم قدم سليم مانته فالبجاديـه


ههههههههههههههههههههه

سـعـد الـعـصـيـمـي 22-May-2010 09:50 PM
عنيد رغم عناد خصمك

كفو يابو غازي عزالله ان وقفتك مشرفة


طارق لاهنت يالغالي

الحميدي العتيبي 23-May-2010 12:51 AM
صحة السنتهم جميع

دوسري من الوادي 24-May-2010 11:50 AM
بيض الله وجهك يالغالي


الساعة الآن »05:23 AM.
صفحة 1 من 2 1 2
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd