لولا البطالة ماعرفنا الصعلكـه فالمجتمـع=لكن عرفت حظوظ خلق الله يبيّن دورها
ليّه ثلاث سنين , والحصّاد ضيّع ما جمـع=ليته درى بالحجه اللي غادي ٍ دستورهـا
الحق تايه في بحر ستين و الطامـع طمـع=فالناقه اللي درّها يزمي علـى مصرورهـا
اللي سمع والا تجاهلهـا ولا كنّـه سمـع=اصبح عميّ القوم للميراد تتبـع عورهـا
في ذمتي معاد باقي غيـر تجريـح الدمـع=متى على الله تقِبل الدنيا ويظهـر نورهـا
درب الرجا محجوب والحاجب سنا برقه لمع=في غيهب الدنيا وزخرفها وزين امورهـا
صارت بعيني:- سبتها, واثنينها, مثل الجمع=ماهو بكيفي لكن الكلمة قصر حنجورها
الشكوى لله ما لقينا غير منهـاج القمـع=فالعله اللي طوّلـتْ ماحلّهـا دكتورهـا
عجزت لآآصل غايتي مادام مبداها رمـع=ما يدري ان صدور بعض الناس مثل قبورها
ياما تعنينا على الطـالات وشعلنـا شمـع=لين انطفت مابين واردها وبين صدورهـا