انتصار النفس مبداه من باب الطموح = وانهزام النفس ينهي طموح الانتصار!!
والزمن وجهه غبر ينطح الراس النطوح = مرخي له روس ومكبر روس صغار!!
والسبب والسر مايعلمونه قوم نوح = استدار الوقت والسر وشلون استدار!!
اليمين ام الكرم ردها مثل الشحوح = ياالله اني طالبك قبل تعطيل العشار!!
عن ضعوف الانفس وكل من سره يبوح = تغني المحتاج عن حاجة اقصار العمار!!
الردي لو تمدحه ماتسر ابه المدوح = والضعيف اضعيف مافيه لاهل الطيب خار!!
ان سمع لك طيبه كان ماينضح نضوح = ماذكرها وان سمع غيرها للناس اغار!!
لو قضى لازمك مره يسبب لك جروح = ينشر لك ادعاية ٍ مالهاباب انتشار!!
والصبر مفتاح فرجه وناتجها النجوح = والعقول الواعيه منبع للابتكار!!
من يجود ساس مبناه يبني فالسطوح = ومن بنى من دون سيسان طاح ابه الجدار!!
واحمد الله واشكره يابعيدين الشبوح = ماحصل لي مشكلة مار هذا الشي صار!!