المنظر اللي هال عيني في عصر يوم الخميس = حرّك هواجيس الغضب واستدرجت في شورها
يا ليتني لفّيت قبلس يا محطّات الدّريس = ولا شفت جمع اهل الوجيه الودره وطابورها
اللي تمشّى باللّبــاس الشّين والشّعر البئيس = اللي يذكرنا بقوم سابقات عصورها
ورعان تدور على الشرهة وتقليد الجليس = اما ترزّ شعورها ولا تحني ظهورها
هذي سبايب شلّة مهنّد مع نور ولميس = الله يهدّ لميسها والله يلعن نورها
المهزلة .. حلقة لميس ليا بدت مع الخسيس = وقامت تصيح بصوتها ولا تفلّ شعورها
وراحو عباد الله معاها ماحد عوّذ بليس = ولا درو بانهم مع ذلك كلو خابورها
والشايب اللي مع عجوزه عايش عيشة رئيس = قال اذلفي الله لا يردّس عايني في نورها
وحتّى الوريع اللي قبل عامين في برطمه سيس = قال اشتكي من علّة ما ينوجد دكتورها
كنّا نقول ان الخطأ محصور في شطّ السّويس = واثر الحضارة في الزمان الشّين تلعب دورها
والعين لدّت في نصير الحقّ والضّلع المريس = في سيّدي نايف عما عين العدوّ وجورها
يقطع جذور العلمنة والفسق والفكر المخيس = حتّى لو انها زايده بفروعها وجذورها
مثل الفلان ابن الفلانيّ الخسيس ابن الخسيس=اللي لولاه اهل الكدش ما زيّنت طابورها
اقولها من حرّ ما شفته عصر يوم الخميس = والعالم الله وش يشيل الشّجرة وعصفورها

المشاركة الأصلية كتبت بواسطة أخو جوزا (المشاركة 1041560) صح لسانك يارائد والله يصلح الشان

المشاركة الأصلية كتبت بواسطة محمد الحميدي (المشاركة 1041623) والعيـن لـدّت فـي نصيـر الـحـقّ والضّـلـع المـريـس فـــي ســيّــدي نــايــف عــمــا عــيــن الــعــدوّ وجــورهــا يقـطـع جــذور العلـمـنـة والـفـسـق والـفـكـر المـخـيـس صح لسانك صدقت وأبدعت الله يحفظ سيدي وزير الداخلية وينصر به الحق شكرآ