الغيم لو داعب جبـال السـراوات=الشعر ينبت مـن ربـاه ووهـاده
ياللي تحرضني على بدع الابيات=ماعادلـي فالشعـر شـفِّ وراده
احسن منه لو انّي اقرالـي آيـات=بعد الفريضة في بيـوت العبـادة
والاّ اركع اليا هوّد الليل ركعـات=وقت السحر والليل مسدل سـواده
وارفع يديني تالي الليـل لحظـات=لحظات ربّـي يستجيـب لعبـاده
اوقات فيهـا تسّتحـب المناجـاة=ومغادر فراش الدفـى والوسـادة
تجري بنا الدنيا بـدون اتجاهـات=احيان نغوى عن دروب الرشـاده
واحيان نمشيها على كيف ماجات=ماهيب حسـب المعرفـة والارادة
ندلّهـا مـرات ونضيـع مـرات=ولا كل مخلـوقِ يحصّـل مـراده
بين الفرح والحزن نقطع مسافات=فيهـا نـدوّر للونـس والسعـادة
احلامنا كالغيـم غطّـا مساحـات=لكن مايصفـى لـلارض بـوداده
المسعد اللـي ماغـدا فالمتاهـات=قـدّم لنفسـه قبـل تبلـى جـداده
والشعر ماهو من عظيم الكرامات=هرْج العـرب والابجديّـة مـداده
مليون شاعـر عانهـم فالقنـاوات=شباب واطفـال وبنـات وعـواده
كلَّ يقـول انـا زعيـم المهمـات=الفـارس اللـي ماتعثّـر جـواده
ثلثينـه مهايـط ورب السمـاوات=يحتـاج جـرّاح ودوا فالعيـادة
الشعر يبقى حي لو شاعره مـات=وبديوي الوقداني اصْـدق شهـادة
وفالحاضر الراهن رموز وعلامات=وكلِّ يدوّرلـه مثـل مـن بـلاده
اشعارهم تاريح مجد وحضارات=وتبقى على صدر الفصاحة قـلادة

المشاركة الأصلية كتبت بواسطة عبدالمجيد النفيعي (المشاركة 1040223) ياسلام عليك ياهايل إستمتعت بـ قرائة القصيد إعدادك لـ قيام آخر اليل ولـ أحوال المجتمع في هذا الدنيا كأنني أشاهدها صوره فوتوغرافيه :)

المشاركة الأصلية كتبت بواسطة علي فلاح العضياني (المشاركة 1040416) الشعر يبقى حي لو شاعره مـات وبديوي الوقداني اصْـدق شهـادة وفالحاضر الراهن رموز وعلامات وكلِّ يدوّرلـه مثـل مـن بـلاده اشعارهم تاريح مجد وحضـارات وتبقى على صدر الفصاحة قـلادة صح لسانك يا هلال شاعر مبدع مبدع بماتعنيه الكلمه و لا انت في حاجة شهادتي بيض الله وجهك على ما قدمت

المشاركة الأصلية كتبت بواسطة طلال معيض (المشاركة 1040454) الشاعر هلال قصيدة قمه وفكر راقي صح لسانك دمت بود