الهيـــــــــــــلا *** منتدى قبيلة عتيبة

- - يا ليت عبدالله لياسافر (http://www.otaibah.net/m/showthread.php?t=109349)

حبيب العازمي وسوار الذهب/ طاروق غير

حبيب وسوار الذهب


	حبيب العازمي ياليت عبدالله ليا سافر يسافر للعراق اما تجيه المشكله والا يجيب المشكله لكن عبدالله ما غير من العمود اليا الرواق وان قلت وش سويت قال اصنع حصاة ٍ قنبله عبدالله الميزاني حنا نسافر للجهاد انته تسافر للسحاق مرتاح بين اهل جلاجل والامور مجلجله انا ادري انك تعرف ان المر لايمكن يذاق ياللي تقول انك جبل رح طق راسك فجبله حبيب لا ياحلال القوم ياللي لاتقاد ولا تساق مغير رجلينك تثنى واليدين معقله انا تراني ما تكلم من رياء والا نفاق وان كان تبغى السلسله يا مرحبا فالسلسله عبدالله انا اشهد ان ام اربعة سيقان غيرك يا ام ساق تراك واصل والعبيدي ما قدرت توصله يا وش حصل يا وش جرا ياللي تحسب الماء يحاق والزاويه مقياسها الفلجار والا المنقله حبيب اللي يعبدون الغراب للي كلامه غاق غاق سلالة اللي فاللحد واعظامها متحلله ترا عذاب الله بريشه من جناحين البراق يشتالكم من فوق راس الضلع حدر ٍ لاسفله عبدالله انته تحاول في فراقي مير ما حولي فراق وحنا بنيخينا العوازم بالجميل مجمله يالعالم اللي ما تعرف ان اول الشرط اتفاق انته نسيت ان المعشر من زمان مشوله حبيب ما قلت الي بين الاشقاء كيف صار الانشقاق ما انت الصحابي حنظله انته النباته حنظله والله ما ادري ياصحيبي كم عدد هاك النياق واللي عطاك الذود تال الوقت يعطيك فحله عبدالله انته تواخذني على الطرقا وتاخذ لك طراق وانا اعرف انك ساحلي لكن مشقوق سحله اللي بسكرة موت مدري يا حبيب كيف افاق والخاتمه يا صاحبي مجنون يرقص لخبله حبيب ما لوم عبدالله يضيق وخاطره من عصر ضاق لكن كم من لحية ٍ تزعل ويرضيها بصله الظاهر انك ما تموت الا من اسباب اختناق احيان معك مداومه واحيان معك مقفله عبدالله وانته وسيع بطان واوسع من مدارات الافاق واللي يصب الماء لغيري كل يوم اصب له اللي يروح اسود يقولون العرب روّح حراق لكن وش رايك نراض الجن والا نزعله حبيب لا بالله انته اضوق من الابره على السلك الدقاق لكن ما ظني يحزمك الرجل وتفشله اخير اجنب دربها وارمي عليها بالطلاق فالحاظره والا كذالك فالليال المقبله عبدالله راحت على شانك جواز ومهر وموخر صداق يفصل عليك الثوب وانته ماتعرف تفصله

طاروق رائع جدا في بدايته ولكن الميزاني من كلمه واحده فسرها بشكل خاطئ أخذ الطاروق إلى منحنى أخر كما هي عادته

الميزاني فسر كلمة (ضاق) في بيت حبيب تفسير أخر أو أنه تعمد ذلك

حبيب

هنا يقول لـ حبيب أنته (وسيع بطان) ثم زادها بـ (أوسع من الأفق )

عبدالله

أجبر حبيب على أن يدافع عن نفسه حبيب ذكي قال ( انت ضيق ) ربما ( بكر ) ولا يتفشل الرجل اذا أخذك

حبيب

هنا عبدالله يقول أني خسرت كل شي بأسبابك (زواج ومهر وموخر صداق ) وافهموها أنتم .

عبدالله

لاهنت يالمثالي على النقل الطيب

اقتباس:

المشاركة الأصلية كتبت بواسطة ابو فايح (المشاركة 1039983)

حبيب

هنا يقول لـ حبيب أنته (وسيع بطان) ثم زادها بـ (أوسع من الأفق )

عبدالله

أجبر حبيب على أن يدافع عن نفسه حبيب ذكي قال ( انت ضيق ) ربما ( بكر ) ولا يتفشل الرجل اذا أخذك

حبيب

هنا عبدالله يقول أني خسرت كل شي بأسبابك (زواج ومهر وموخر صداق ) وافهموها أنتم .

عبدالله

لاهنت يالمثالي على النقل الطيب

والي يصب الماء لـ غيري كل يوم اصب له , الله واكبر

الحقيقه عبدالله الميزاني ابدع دون قصور في حبيب ..

ودائما عبدالله غامض غموض غير طبيعي وشهد له حبيب على المرقاب ..

لاهنت يالمثالي

محاورق قمة بين شعراء اعلام وهي محاورة من حفلة جمعت حبيب وحمدان وعبدالله والقرقاح

واظن المعنى في هذه المحاورة خاص جدا

وماقصر ابو فائح في تحليل بعض ابياتها

شعراء قمة ومبدعين كالعادة لاهنت يالمثالي

الف شكر لكل من مر من هنا

اما بالنسبه للمعنى واضح والطاروق

من البدايه الي النهايه على معني

بصراحة محاورة لايعلى عليها وشعراء محترفين
معنى ومبنى وفرّ وكرّ وبلاوي متلتله

تحياتي

طارروووووق رائع

الشكر لكل من شرف بالمرور من هنا