قصيده الشاعر بدر بن رازن في الشيخ فيصل الدويش
 

هذه القصيدة مهداة الى الشيخ :فيصل بن عبدالعزيز بن وطبان الدويش


سلام ياطير السعـد طيـر حـوران % ياللي على روس المراقيـب عالـي
اعداد من غنـى القصايـد والالحـان % واعداد من يشـرب قـراح زلالـي
يامير ياللي فـي المواقـف كحيـلان % امعـرب مابـيـن جــد وخـالـي
فيصل ولد عبدالعزيـز بـن وطبـان % من روس ربـع يحتمـون التوالـي
دوشان والدوشان معـروف فرسـان % يـوم المعـارك فـي قديـم الليالـي
مطران وان ركبوا على الخيل شجعان % يـوم القبايـل بيـن مـر وحـالـي
رجالهم قد خضـب السيـف شامـان % مابه اجـدال اقـول مابـه اجدالـي
ياميـر ينصونـك شبـاب وشيـبـان %وينصاك من هو فوقه الحمـل مالـي
ويروح مستانس بعد جـاك زعـلان % ترسي كماترسـي اطـوال الجبالـي
لك فزعه تعرف ولـك موقـف بـان %غرب وجنوب وشـرق والا شمالـي
الضيف يلقى حيل واذنـاب خرفـان %وفي مجلسك يامير صفـر الدلالـي
اقولها محسب تـرى فـلان وفـلان % اللـي علـى بيبـان بيتـه ايـلالـي
هذا كلام الصدق مـن قلـب ولسـان %في كل مجلـس لاطرالـك مجالـي
فيصل وفيصل فيصل العـز بطـران % لعـل راسـك مايجيـه الـزوالـي
وصلاة ربـي للنبـي نسـل عدنـان % ال مصطفى اللي كـل نهجـه عدالـي


الشاعر :بدر بن حمدان بن رازن

مشكووورين على المروور

تحياتي لكم

افااا ياخوالي ولا احد رد فديتكم والله

تحياتي لكم

محمد لاهنت على النقل واهلا بك في منتدى الهيلا


شاكرا مرورك وتستحق الاشاده والترحيب

مشكووورين على المروور
وبيض الله وجهك

وصح لسانك على القصيده ولاهنت شاعر كبير
وتستاهل كل خير ويستاهل راعي القصيده والله والنعم فيكم

تحياتي لكم وتقديري..ز

-


[الاخ فيصل المسعودي شاكرا مرورك وتقبل خالص تقديري وتحياتي

بيض الله وجهك يالحبل

وصح اللسان الشاعر

والدويش يستاهل

لا هنت يالغالي

هلا بك
وجهك ابيض

شكرآ ع المرور

تحيه لك...