ياسلام الله سلاماً فيه خير وفيه خيره=يحزن القلب الفقير ويسعد القلب الغناوي
اخر الايام كلً ف/السهل يشعب بعيره=ياعسى الله يدفع السيات واكبار البلاوي

مرحبا ترحيب من طيبه مايذكر فيه غيره=يبري جروحن كما وصف الطبيب اللي يداوي
آخر الايام يمكن تشتهر في كل ديره=ويتومر فالعرب ياصحابنا رجلن شواوي

البقاء يالي ترحب والدلو في وسط بيره=والمطر يهمل ثعوله فوق دارك يالسناوي
كان شفت الي سواته سل سيفك من جفيره=قبل مايحكم بلادك يارفيع الشان غاوي

كم بقي لك لين تطلع من خواشيش الحضيره=اجمعه ثم وكد الناتج وقلي كم يساوي
انت ماتجهل من اللي حاكمن شبه الجزيره=ياللكيع اللي دروبك من ملاوي في ملاوي

مانبي نخطي عليكم يارياجيل العشيرة=مير وردها على درب العزاز ان كنت ناوي
كيف تحكم وانته اسمك مخطياً درب البصيره=ياشبل والشبل غيرك من بعيدين الهقاوي

علموا جزل المعاني لايخلي في ضميره=لو حكا مهما حكا مايحمل الرمح القناوي
انت شاعر جزل واسمك جزل وسط المستديره=دايره ماخاشرك لو الذي حبله رهاوي

علموشبل المسمى ينتعش ويدق زيره=لو فتلنا مانقض مانبدعه والراس خاوي
انت وشعلمك تعكس الخط وتعكس المسيره=(وبركتها فوق راسك يامخليت الدعاوي)

لاتثاري بالسوالف وانت ماشبيت نيره=تدري انا لو نلد العين لك طحت متساوي
من يرد صويحبي لاهله عساه يزيد خيره=لاتشوفه عين ابو عرام وصحيبي حياوي

صح بدنك وإلى لقاء آخر