سلام تسليمتن تنصى جميع الرجال=تسليمتن تاصل الريجيل فاوطانها
بسام عنكم سمعنى هرجتن ماتقال=لو قلت وين العلوم اقول الك عانها

يامرحبا يالمسلم عد وبل الخيال=ترحيبتن من رجالن معتلن شانها
الهرج ماهز ياصالح حيود الجبال=ولاتجيب العلوم الا ببرهانها

الشرف لي يابسام

لاحت بروق الحيا ياصاحبي فالخيال=والجابه المبهمه حطيت عنوانها
العام فوق اللهب واليوم تحت الظلال=لابو زمانن يزيد الناس حقرانها

ليتك تريحت يارجال عند العيال=في وسط دارك وخل الناس في شانها
انا احمد الوالي المعبود في كل حال=وانته تدور على الفتنه وفنانها

الظاهر انك مع اهل الطيب مالك مجال=والناس قامت عليك تلد باعيانها
ترى البدر ياولد سيوف يرجع هلال=سفينة القوم قلي وين ربانها

انا مجالي ياصالح مع هل الطيب عال=ولا انت فيك الكرامة مات شريانها
‏الشمس تشرق وعقب 0يحين وقت الزوال=خل السفينه وهي تحظنك باحظانها