هذا كـلام الحـق ... عنـدي براهيـن = مانـي مـدور للحضـور الــحمـاسـي
الرجـل// لازم يصبـح لأمتـه عـيـن=لو وصلـت لنقـد النظـام الــسياسـي
والحق // ( تدري فيـه ) مايقسـم اثنيـن=وثـوب المذلـه مايناسـب مقـاسـي
ناس(ن) تزايدبي ... عسـى فالهـا شيـن =الـدار داري .. وأيضـاً النـاس ناسـي
ماني بمولودن علـى أطـراف .. برليـن=ولا أنفطمت بوسط قصر(ن) .. رئاسـي
أبوي .. ماعلمنـي أطلـع بوجهيـن=ولاالله خلقني شاعـر(ن) دبلوماسـي!!؟
الله خلقني // لجـل قمـع الشياطيـن =شف زين منطوقي .. معـه قـو باسـي
أنـا ولائـي ثابتـن مـن لـه اسنيـن=معدن ذهب ... مانيب معـدن نحاسـي
وحكامنـا بحريـة الــراي ماشـيـن=( صقر العروبه ) قال : شعبـي سواسـي
القدس ... ماضاعت مـن ايديـن تاليـن = ضاعت قبل الشيبان لـو منـت ناسـي
من ( نكبة حزيران ) .. لاحرب ( تشرين )= والحال قاسي ووضع الإسـلام قاسـي
من ( محمد الدره ) الى ( الشيـخ ياسيـن) =لغوانتنامـوا ........ لمتـداد المـآسـي
لبغداد // مع بيروت // معهـن فلسطيـن = وحنـا عروبتنـا بـطـرق الجنـاسـي
ماعاد ثار العين .... يوخـذ مـن العيـن =ماعاد صوت الحق جاهـر ... وراسـي
عجزنـا رد الثـار ... قـدم المعـاديـن = أيضاً نبي نمنع بوسط الأماسـي !؟
مير انت مخطــي ومن معـك ناس مخطين = لاتقــمــز الشيـطان في وســط راســي
أو عاد تدري .... توي أستوعب الحيـن=الناااااس ماتبغـى الكـلام السياسـي!!
أحسن لنا نسكت ... ترى سكوتنا زيـن =دام الكلام يهز .. ( بعض الكراسي )!!؟؟