يا لله يالي ما خشى غير خوف منـك خـوف = لا شريـك لـه بملكـه ولا يعـبـد ســواه
فيك تشخيص البصائـر ولـك مـد الكفـوف = يـا كريـم يكرمـون الأكـارم مـن عطـاه
عالم اللي ما اعلمه شايف اللي مـا نشـوف = خافـي سـره والأسـرار مـا هـي تخفـاه
لا جفانـا القـل واللـي روابعهـم ضعـوف = جعـل ربـي مـا يرينـا غضبـه ولا جفـاه
ولا انقفل باب من الـرزق حراسـه وقـوف = فتحـت بيبـان الأرزاق مـن كـل اتـجـاه
والله أني شره وأن هقوتي ترقـى الطفـوف = غير عيا يستحي الفقـر مـن وجـه الغنـاه
كم تعبنا نحسـب الجهـد مثمـر ومخلـوف = وكل ما غرسها على قـوز ينطحهـا صفـاه
راكب اللي مثل نصب غبـش قـدم القنـوف = شاص لند الفين تشفي علـى شوفـه شفـاه
لإعترض روس الشطرطـون قـدام معكـوف = كاشفق الأحمر على حد نـوى مـن صحـاه
في الطعوس البيض يزمي على روس الطنوف = مثل ما تزمي سحـال الحليـب مـن الرغـاه
لنقرش من عالي العرق لـي كنـه محـذوف = مثـل حيـد مومـي مـن علـوه لا وطـاه
مثل شغمـوم علـى خدمـة الخـوة ولـوف = يتغانـم شـبـه الـنـار قــدام خـويـاه
وكن سبيره حبة الخال فـي عاتـق هنـوف = لا لقـت خطـو عشيـق تبيـن لـه غـلاه
دق سلفه يركب الزيت مـن فـوق البلـوف = لاقضيت الفرض الأول وفضت مـن الصـلاة
وامش من بطن الشقيقه سلمت من الصدوف = ونحره بيت ابن درعان فـي بطـن الغضـاة
بيت شرهيـن الهقـاوي مدلهـة الضيـوف = مسند اللـي لاطلـب عونهـم وجـه وجـاه
عند أبو فارس تريـح علـى بـن وخـروف = وأن نشد مفلح وش العلم قـل علمـي عفـاه
الرجال تقـول مـا ينصـى عنـد الظـروف = كـود رجـال يسـد اللـزوم لمـن نـصـاه
ولا يفيد النعم ويصيـر لـه بالمـدح نـوف = كود رجـال يعشـق المراجـل مـن صبـاه
لانشرح وضعي لمثلك سلمت مـن الحسـوف = أن قدر وأن ما قدر ما ينقـص مـن غـلاه
إن قـدر يـدرك لزومـي ملكنـي بمعـروف = وإن تعذر عن لزومـي عسـى الدنيـا فـداه