يا سلام الله على مكة ومكة للحقيقه=نور لكن تالي الايام مدري من سكنها
ودي ارسل خط عبر الـ / فاكس لهذيل الصديقه=واتفقد واتنشد واخذ الاخبار منها

مكّه الله صانها من ناس تبغاها حريقه = ناس تبغا تطحن الكعبه لكن الله طحنها !!
ياعتيبه ياصديقتنا .. وجارتنا الشقيقه = كل كلمه خذ بدلها في قصيدتك ولحنها !!

قاري التاريخ يسبر غور الاحداث الدقيقــة=والعلوم اسرارها يا هذيل ما تشبه علنها
فالقناة اللي تبــــث اخبارها قدم الخليقه=سالفة لابد جيران الحرم تدفع ثمنها

لاتربّي لحيتك دامك توحّا فالمسيقه = لوّ انا منشدك عنها .. ربّكم ينشدك عنها !!
الرفيق الياحصل حاجه مكلف في رفيقه = ماتكلف بالسعوديه .. ولاضجّه مدنها !!