راكب اللي من حديثات الطرازي=الدول يم البلاد مصدرتها
الجيوب اللي تحوز الإمتيازي=تستلم يوم النتايج جائزتها
نوع لكزس والأسم فيه إبتزازي=للنفوس اللي هواها قد بهتها
أدعجن لامن وقف فيه إرتكازي=يشبه شيوخ العرب مع حاشيتها
ولانظرته من خجل فيه أهتزازي=كنه اللي شاوروا بموافـتها
ووافقت ثم أكتبوا عقد الجوازي=وهنوا المعرس وهنوا عائلتها
وبعد حفله عالميه جاك وازي=ومن خجلها لدْت النظره تحتها
المرايا معانداتن للقزازي=الجنوب اللي خلاف مغازلتها
والرفارف يوم تضرب فالعزازي=العزازي ترتجف يوم ضربتها
مقدميه شمعتين وكبس غازي=يكشف نجوم القوايل وحركتها
وداخلية شاشتن تضبط توازي=كل شين داخليه ضابطتها
وكن حفره فالجلد حفر أرتوازي=لا عطاله مجرهده ثم سلتها
يرتسي بالخط ماجاله نوازي=وأسرع من اللي تلف مدرجتها
مركب اللي مايعرفون المعازي=ولايعرفون البدو هي وأمتعتها
ومركب اللي ماتهيأ للإعازي=كل يوم ونجمتين مجازيتها
حضها قد طاح في يوم الروازي=لإبتداء الميقاف وأوطت في غبرتها
مير دورات الزمان لها مغازي=تنقلب وحضوضها جتك حركتها
ومن خسر بالأمس جاك اليوم فازي=الله الله الله الله يالليالي وأدورتها
وآه لوحكمه بيديني مايجازي=غير للي فعلها ملى أخزنتها
أسود نجد اللي يضدون الأغازي=البل البل بالسواري حاميتها
أحتموها يوم نطلات الجنازي=وأزدحام الخيل وسط مصافقتها