يا عتيبه يا عتيبه سامحونا = ودنا نبحث ملفّات القضيّة
يمكن انا ما درينا علمونا = علمونا عن ثرا نجد العذيّة !!

ياقحطان بصوتكم لاتزعجونا=والقضايا ماتقدم هالسويه
ادري ان اصحابنا مايجهلونا=لكن التاريخ يتعبهم شويه

القصص من كل شكل وكل لونا = كل يوم اقرأ سواليف رديّة
في زمان فات يا راع اللحونا =احكمك من نجد لا ضلع الحويّة

فيك شك وفيك ريب وفيك بونا=تترك الحسنه وترجع يم سيه
يعرف العراف راسيت الركونا=وانت عرفك فالحصاه ونجد ليّه

فيك بونا شاسع وفيك الظنونا = صابت وخابت يابو نفس جريّه
ثبت الكلمة وقلّي وش تكونا = مانت اخو نوره ولانت بجاي زيّه

ياخلايق للحقايق تكتمونا=والحقايق ماخفت منكم عليّه
لو طردناكم ترا ماتطردونا=ولو نضد القوم قلتوا كيف ذيّه ؟

سامحونا يا عتيبه حللونا = يوم عرضناكم انواع الأذيه
لو حكمناكم ترا ما تحكمونا = ومانته بطارد من القوم التّليّة