وجودي على الي تل قلبي بعد ماراح=وخلاني اشكي روحته كل عصريه
يتل الضماير تل من عطرها الفواح=كما تل كبتن طايرات السعوديه
شلعها بوسط الجو والناس وقت امراح=وقامت تقلب فالفضاء كنها حيه
علاها من العتبان قرمن ومعة سلاح=تعلا ورج بها الديار اليهوديه
دمر تل ابيب وعالي البرج عقبه طاح=كما طيحت العود العرج فوق شبريه
على ارض المعارك مشيته دايمن دوباح=يدوبح على بنت الكحيله مع عبيه
بضرب القنابل راحت الارض ساحن باح=تعاد البشر من خوف مثل الشراطيه
بوسط المعارض بيعها دايمن بارباح=تكذب على لحية هذا واللحى ذيه
على واحدن لاهوب سايح ولاسواح=يخلط العسل بالسم واقول ياحليه
شربنا مرارت حبنا والليال اشباح=شرب من رحيق الحب وانا بعد زية
احبك يازين الوصف دام العيون صحاح=والى مت اسال الله يغفر لي السيه
بغيت الدروب العوج لجلك وانا مرتاح=وريحي عليك يفوح فوحت محليه
كما فوح بنن حط في داخل المفواح=بجمر الغضى والنود هبت شمالية
بيد واحدن مدروة وسنونة الطفاح=ليا شفتها تشبة سنون الحونشية
وعقب انتهى من دلته طلع المفتاح=وقال اعذروني فية حاجة ضروريه
لزوم انتهي منها قبل يالع المصباح=وصكة عويدن جالسن فية جنيه
وخم العويد و صار للعود منة صياح=يفغر يبا ينحاش يا نعنبو حية
هذي حالتي ياناس من عقب سدي باح=الا واهني مريح البال يهنية