هذاه محماس كيف ابوي ودلاله= وباقي المعاميل بعد ابوي تبقيلي
لو الفتيحي يحول بأسمي امواله=والله فلاشي ياخذ من معاميلي
احبهن من محبة طيب القاله=لاشفتهن كنه مناحر ويحكيلي
سوالفه ماتظيق صدر من جاله=عن المداوير ولافالمحاويلي
ولاعن احداث وقتٍ يتعب رجاله=فيه المعاوش تعجز واهن الحيلي
وفيه الردي ماتهقوى الفرجه لحاله=وعن العرب ماتغيب له ولاليلي
مايسري الليل غير ابوي وامثاله=الرجل مايهظم احقوق الرياجيلي
جميع طيب ينومس طيبه اعياله=من طاب منهم يقال ابوه حلحيلي
والاالردي عنه ابوه يروح بفعاله=ماتنفعه قالته في ابوي قد قيلي
يالله عساني من اللي يحتمي اقواله=وادريٍ ان منزال ابويه عسر بالحيلي
لكن يكفي لاجيت بنصف منزاله=مضمون علمي كلام محمد احويلي
من عرض ماقاله البيطار فامثاله=يدريبها اللي عرف معنى التماثيلي

المشاركة الأصلية كتبت بواسطة مرزوق حمدان العتيبي (المشاركة 1034432) .. . الله الله يافهيد جزاله غير مستغربه ... صح لسانكــ ...