ياسلام الله عليكم فالمكان العالي = قدره ودونه رجال(ن) تقبل اللي جاها
حيلة الرجال ترخص مارخصله حالي = قلتها والكلمه الزينه نبا نبداها

مرحبابك باالنيابه عند قيفٍ غالي=مير تسليمتك هاذي عارفٍ معناها
كيف تبداها تسوق المر قبل الحالي=وانت ضيفٍ عند قومٍ عاليٍ(ن) مبناها

البقا بك والنوايا علمها للوالي = وأنت خامس بيمنى لاتجي يسراها
البلا فاللي يبدل غير ماتبدالي = إقبل اللي جتك لتعذرب ولا تشناها

ماجهلت البيت والبيبان والزرفالي=انت جدرك فيه خله واضحٍ منحاها
بعد دلوك قام يصفق في ركون الجالي=يستر الله السواني لا يطيح إرشاها

قالها إشليويح وأنا أعيدها فالحالي = العتيبي لا بغا الكذبه ترا يلقاها
لو نعقدلك عقد ماحلها الحلالي = ياكثر ناس(ن) سواتك حالقين إلحاها

قالها شليويح ضيف القوم مايحتالي=يازن الكلمه ليا مر العرب فحماها
وانت في حله عتيبه محتمين الجالي=لو يخمونك حرام الحرم ما تنساها