لا حداك الوقت لا تنصى الرخومي = أنحر اللي فزعته تسبق كلآمه
أنحر اللي لا غزع يقضي اللزومي = كل طيبٍ ماسكٍ ذروة سنامه
راس من روس المطآنيخ القرومي = بد خامس ما يضيع وفيه هامه
مثل أبن حشاش من عزّه ندومي = الزعامه قادها راعي الزعامه
شال حملٍ صاحبه عيا يقومي = لين جاه اللي يحقق له مقامه
بين سجن وبين دين وفي همومي = فالمعسكر جابرينه بالإقامه
مانبي تعليم في بعض العلومي = آخذٍ هرجة صدوقٍ في علامه
في مجالس من يحفظون العلومي = دون قول الحق مافيهم رخامه
مير تال الوقت جا فينا حلومي = صحّو النايم بعد كثرة حلامه
خابرين الناس والرب الرحومي = ومن شهد بالحق مافيها ملامه
أنشدوا شيخ الشمل لماً لمومي = شيخنا اللي جامعٍ طيب وصرامه
هيضلين له على العليا رسومي = يوم صيحات البيارق والجهامه
الحقيقه حق والكاذب ظلومي = والسمينه ما تحالي للهلامه
مانبي التفتيش في بعض الهدومي = وأن جهل رجّّال ما قلنا علامه
الثقه مصدر قويات العزومي = نعنبوا رجّال ماعنده شهامه
يا صلاة الله عدد وبل الغيومي = عد ما صلوا صلاة عقب اقامه
للنبي اللي نشر دينٍ يدومي = ديننا الإسلام لا يوم القيامه