الله ياجسرن تصاقفه الامواج=وثابت على مر السنين الطويله
واليوم جاه الموج ثم التوى ماج=ماله على جسر المنامه محيله
وقلبي سوات الجسر محفوظ باسياج=ماتدخلينه لو عرقتي لدخيله
قد فكلك قلبه يوم الحب مسهاج=وسوا على غيرك زباير نثيله
في وقت كنتيله النور وهاج=وشمعة غرامك تشتعل من فتيله
يغليك ماتغل المدامع للإدعاج=وياللأسف خنتيه مقوى الفشيله
والعام فوق الرأس حبك كما التاج=واليوم طاحت هامته وش حصيله
وإن كان تبا الغير آسف الإزعاج=روحي سبيلك وأتركيه بسبيله
زي مالقاك يلاقي أشكال وأفواج=يمكن على الأقل يلقى دليله
قلبن يقدر وقفته وقت الإحراج=ولارجوعه حاجتن مستحيله
وإما لقاله من يقدره لااحتاج=ويزعل على شأنه رجال القبيله
يحكم على قلبه بقفل أبو تاج=حتى عروق الدم ياقف مسيله
ولا البحر معروف لاهاج هاج=ويمكن بعد جسر المنامه يشيله