ليه الألم ما يحترم ذوق الانسان=ليه الألم ما يعترف في خطاياه
ليه الألم يحرم من الشوق ضميان=ليه الألم جرح الزمن ما تحاشاه
ليه الألم يشعل من الحزن نيران=ليه الألم يظهر بلاوي مخفاه
ليه الألم دمعه شكت منه الأعيان=ليه الألم يرقد على القلب واضناه
ليه الألم جرحه من الهم مليان=ليه الألم ما يعطي العلم مبداه
ليه الألم ما يعطي الحق برهان=ليه الألم يهدم بيوتٍ مبناه
ليه الألم متربعٍ وسط الأحضان=ليه الألم ما ينتهي منهو انهاه
ليه الألم يظهر بتحديد الاسنان=ليه الألم يظهر وليه اه قلت اه
ليه الألم عندي مواطن وشفقان=ليه الألم عندي مسوي سواياه
ليه الألم ما يبتعد هد الأركان=ليه الألم لو يبتعد يوم زرناه