يا زين برّي عقب ما السيل جَهّى = بعد الحيا يا حلو شوفه وشمّهْ
عشقي مزون الغيث بالسيل رهّا = أفرحْ بشوفه فرحة الطفل بامّه
راع المطر لا شاف سيل(ن) تلَهّى = يدله عن الدنيا وشغله وهمّه
معذور لوينسى ويسلى ويسْهَى = من شاف محبوبه لزوم(ن) يضمّه
فالغيث منه الخلق تروى وتزْهَى = رحمة إله(ن) كل خلقه تِعمّه
والحمد لله أكرم العبد وأرْهَى = الحال من فضله مليّ(ن) مجمّه
وصلاة ربّي لازهر العشب وابْهَى = على النبي خير البرايا ولامّه
*** = ***