الهيـــــــــــــلا *** منتدى قبيلة عتيبة

بن جدلان
ياجماعة دام تالي الليل باقي له بواقي ** ودي آخذ لي مع سلطان طاروقٍ مسَري
لابسٍ له غترة سعودي ودشداشة عراقي ** ودايمٍ يشفق على الجره وهو ماهوب مرَي
الهاجري
اوسموها بالرثام وبالمطارق والعراقي ** وان تبريتو ترى سلطان بالحيل امتبرَي
ما شكيت من الزمان ولا ثبت الايام ساقي ** وانت كنك ماخذٍ دور المباحث والتحري
بن جدلان
كلكم يا لابسين العقل من فوق الطواقي ** ساكنينٍ في بيوت اللي ذراها ما يذري
يا بني هاجر سكنتو في بحورٍ ما تلاقي ** وعذركم مطعومكم تمر الحسا في سمن بري
الهاجري
ازرعوا يا اهل النخيل ولا تحفرون السواقي ** القلوب اللي تراجف ما يجريها المجري
ما كلينا مع بني أكلب من الخبز الرقاقي ** وانته تطرَي على وتقول صحبانك تطرَي
بن جدلان
انت يا سلطان جنبك ما تسقيه المساقي ** ابد راسك والدهر ينبيك عن خيري وشري
غيروك اهل النميمه واخلفوك اهل النفاقي ** كل يومٍ قدم بابه شاف زولك مزمهري
الهاجري
كل ما ثقلت عليك ارخيت للحمله شقاقي ** والبطاقه عالميه والرقم ماهوب سري
يابدو ياهل النياق اللي تسوقون النياقي ** عندكم واحد حرامي مير ماهو مستقري
بن جدلان
لا يبرك للحمول ولا يقدم للسباقي ** البعير اللي دخله هيام والحال امتهري
ما علينا لو نشجع ساحلي والا صفاقي ** يا محاله يا محاله تحت حبل الغرب صرًي
الهاجري
ما بقى الا تطلب المولى يحجًر قلب راقي ** اثر بن جدلان بعلوم القبايل مستغري