يا عز القاف سلم لي على اللي يحكمون القاف=طحاطيح الرجال اللي تميّزها معانيها
امام الجامع اللي توّ ما رسّم من الاوقاف=جماعة جامعه يا عزّ ترخي روس اذانيها

سلامك ياولد شهران جانا ما عليه خلاف=هلا يامرحبا بأسمي وانا اكفي دون اساميها
هذا شغل الوسايط يخلف الافكار والاعراف=عسى الله يرحم الفيصل توفى ما قدر فيها

يدوم الك البقا و العلم لا يسمع و لا ينشاف=حروفٍ في حروف و من يسرّحها يضوّيها
ليا منّي ذكرت الحاجه اللي من على الاسلاف=تهل الدمعه البيضاء على الحاجه و راعيها

حروف الشعر ضرب سيوف اله وقت الوغا ميقاف=ابا اعلمك يومنك تخمخمها وتخطيها
عسى ربي يعوضك ياولد شهران فاللي طاف=وهذي حالة الدنيا كفانا الله بلاويها

الا يا ذيب يا ذيب الخلا عوّد على المشراف=قبل لا تالع النيران في غيبة مطافيها
فقير المال قلّه لا يزاحمنا على الصراف=ترى دون العلوم اعلوم و الطيّب يعدّيهاا