السعيدي جابه الله ودنا ناخذ علومه=قبل مايمسي علاه الليل وتضيع الهقاوي
إنْ بلشنابه نطع النار في بقشة هدومه=ماندارج فيه بين الناس ونقيم الدعاوي

انت شاعر مروحي والمروحي نكره قدومه = فيك من حال الفقير وفيك .. من حال الغناوي !!
خل قلبك قلب ذيب .. وخل لونك لون بومه = اندرق ياشاعر الشعار .. عن بعض الدعاوي !!

المغد عيشتك سبَب لكْ مع البلعوم زومة=ترتقص فالضِلع وتفتِش مواعين القهاوي
عندنا وصفٍ تمام ياصلك وانته ترومه=مار فيه من العقوق إنذار بالنار الصلاوي

اللي مسوي بلا يندس لايظهر للحكومه = والله اني لاشتكيك .. انته مضرّا بالشكاوي !!
ياعباة الشايب اللي ماسترتي له كمومه = مانبا نكشف علوم اصحابنا .. مار انت غاوي !!

الحكومة تعرف المذنب وتدري وش همومه=تمسك الغلطان وتدفه عن دروب البلاوي
أنت كنك فالنماص ..ولب عقلك في تنومه=تنتفخ ما كنِك ألاَ ذابح ..فلان القناوي