يامن يجيب الصوت برفع له الصوت=وعطيه وصفن مـا يعقّـد حجاجـه
لو صار من ما قلت بالشعر مبهوت=ما لاّ يشوف البيت ينطـح سراجـه
الشعر نصّه وصّل عقاب مع نـوت=فسرجت خيلـي طمعتـي فالتواجـه
تراي فاقد ديرتن مـا بهـا بيـوت=تعطي زلال المـي معطـت هماجـه
فيها من العّنـاب والتيـن والتـوت=وصبحن لبس من ظلمة الليل تاجـه
وفيها نسيم وريح واعصار طاغوت=وفيها براد بحـر مـا يـوم ماجـه
فيها بحر ما يسكنه حـوت ونبـوت=واطراف سيفه حدّها اسود سياجـه

يا بري حاله لا غشى قلبه المـوت=رجلن يدّور مـن حياتـه خراجـه
هبّت عليه الريح من وجتّ الصوت=وازرا يرد الصوت عقب ازدواجـه
فإن رد جاهم وقت الارياح بكـروت=مدري يطير برد صوتـه عجاجـه
ولاّ على دربـه يلاقيـه منحـوت=يلقاه منحوتن علـى ايّـات حاجـه
لو كان ممدوحن ولو كان مشمـوت=حروف صوته باقيه فـي زجاجـه
إن كان ما وصلت يبا يشوتها شوت=هي تنكسر وتطير هي مـا تواجـه
هذا سجينن حالـه اليـوم مكبـوت=من يوم خش السجن ما جا فراجـه
ينظر بريق القلب يبرق له سبـوت=يخلّي برقه باقين فـي كراجـه ..

المشاركة الأصلية كتبت بواسطة ابن صنهوت (المشاركة 1028812) صح لسانك ياباين ولسان صديقك

المشاركة الأصلية كتبت بواسطة يوسف عبيد (المشاركة 1028820) صح لسانك وسلم بنانك

المشاركة الأصلية كتبت بواسطة أبن عتقان المغيري (المشاركة 1040272) باين العتيبي صح لسانك أنت وخويك الجزالة مهيب غريبة عليك ننتظر جديدك